दर्पण संवाददाता
चरिकोट, मंसिर ११
दोलखाको उत्तरी क्षेत्रमा निर्माण भई रहेको पाँच हाइडोपावरले आज संयुक्त विज्ञप्ती प्रकाशन गरी हाइड्रोपावरले कसैलाई पार्टीको नाममा र दवावको आधारमा विना कारण भुक्तानी नदिएको स्पष्ट पारेको छ ।
हाइडोपावरले आज एक विज्ञप्ती जारी गर्दै केहि दिन अघि केहि संचार माध्यममा आएको समाचारहरु गतल भएको र त्यस्ता गतल समाचारको हल्लाको पछि नलाग्न आग्रह गरेको छ । दोलखाको गौरिशंकर गाउँपालिका वडा नम्वर ७ देखि ९ मार्वु सम्म सडक निर्माण भइ हाइडोपावर निर्माणको काम भई रहेको अवस्थामा गत साउन २२ गते आएको पहिरोले सडक भत्केको र हाइडोपावरको सामान ढुवानी तथा निर्माणमा समस्या भएका कारण संयुक्त हाइडोपावरले निर्णय गरेर स्थानिय जनप्रतिनीधी, हाइड्रोपावर कार्यदलको छलफलबाट कार्यदललाई सडक खोल्ने जिम्मा दिने र त्यसको लागत संयुक्त हाइड्रोवारले भुक्तानी गर्ने सहमती भएको जनाएको छ । सहमती अनुसार हाइड्रोपावर कार्यदलले दशै अगावै काम सम्पन्न गरि सकेको र लागतको आधारमा हाइड्रोपावर कार्यदलले रकम माग गरेको विज्ञप्तीमा उल्लेख गरेको छ । कार्यदलले रकम माग गरे पनि कसैको खातामा हाइडोपावर कम्पनी रकम भुक्तानी नगरेको स्पष्ट पारेको छ ।
केहि दिन अघि केहि संचार माध्यममा नेकपाका गाउँपालिका कामिटिका नेताहरुले हाइड्रोलाई व्यक्तिगत खातामा रकम हाल्न दवाव दिएको भन्ने समाचार प्रकाशन भएको थियो । हाइड्रोपावर कार्यदलले काम गरेको रकम माग गरेको र कुनै पाटी तथा व्यक्तिहरुले रकम भुक्तनीको लागि हाइड्रोलाई दवाव नदिएको जनाएको छ ।
ग्रिनलाइफ हाइड्रोपावर प्रालि, मनकामना हाइड्रोपावर प्रालि, सासाई हाइड्रोपावर प्रालि, यूनिभर्सल हाइड्रोपावर प्रालि, र सुरी हाइड्रोपावर प्रालि ले आज संयुक्त विज्ञप्ती जारी गर्दै कोहि कोहि कसैलाई व्यक्तिगत रुपमा रकम भुक्तानी नगरेको र समयमानै काम सम्पन्न गरेकोमा कार्यदललाई धन्यवाद दिएको छ । स्थायिन जनप्रतिनीधी हाइड्रोपावर, नागरीक अगुवा, हाइड्रो कार्यदलको विचमा सहमतीमानै सडक निर्माण भएको र सो लागत सवै हाइड्रोहरुले संयुक्त रुपमा भुक्तानी गर्ने सहमती भएको जनाएको छ । नेपाल कम्यूनिष्ठ पाटी गौरिशंकर गाउँपालिका कमिटीका अध्यक्ष जंग गुरुङले सहमतीमानै समितीले काम गरेको र सो काम गरे वापतको रकम माग गरेको जनाएको छ । पाटीकै केहि जिम्मेवार व्यक्तिहरुले आफनो पदिय मयार्द भुलेर आफुलाई वदनाम गराउन खोजेको र गलत प्रचार गरेको बताउनु भयो । पहिरोले विभिन्न क्षेत्रमा ठुलो क्षेती पुगेको सडक समयमा निर्माण नहुँदा स्थानियलाई समस्या हुनुका साथै हाइड्रोको सामान ढुवानीमा समस्या भएका कारण कार्यदलले सडक निर्माण गरेको र सो रकम कार्यदलले माग गरेको बताउनु भयो । गतल सोचाइ भएका पाटिभित्रको जिम्मेवार व्यक्तिहरुले गतल प्रचार गराई वदनाम गराउन खोजेका हुँदा त्यस्ता गलत प्रचारको विश्वास नगर्न अध्यक्ष गुरुङले आग्रह गर्नु भयो ।