दर्पण संवाददाता
मेलुङ भाद्र ३०
दोलखाको मेलुङ गाउँपालिकाले कोरोना भाइरस नियन्त्रण तथा रोकथामका लागि हालसम्म गरेको खर्चको विबरण सार्वजनिक गरेको छ ।
गाउँपालिकाले कोरोना नियन्त्रणका लागि आब २०७६/७७ मा १८ लाख ९५ हजार खर्च भएको जनाएको छ । कोरोना नियन्त्रणका लागि गाउपालिकाले विभिन्न शिर्षकमा सो रकम खर्च भएको जनाएको छ । पालिकाले सो रकम मध्ये स्वास्थ सामग्री तथा उपकरण खरिदमा ७ लाख ५१ हजार, कर्मचारीको पारिश्रमिकमा १ लाख ९५ हजार, स्वारी एम्बुलेन्स मर्मत तथा इन्धनमा १ लाख ९० हजार , जिल्ला समन्वय समितीको कोभिड नियन्त्रणकोषमा २ लाख रकम खर्च भएको प्रमुख प्रशासकीय अधिकृत महेन्द्र बिश्वोकर्माले बताउनु भयो । तेसै गरि औसधि खरिदमा ७० हजार अत्ति बिपन्न परिवारलाई रहात सहयोगमा ९२ हजार तथा अन्य भाडाकुडा खरिद, सवारी खर्च , खाना तथा संचारको क्षेत्रमा खर्च भएको अधिकृत बिश्वोकर्माले बताउनु भयो ।
कोरोना नियन्त्रणका लागि पालिकाले विशेष सुरक्षा साबधानी अपनाएको पाइएको छ । दोलखाको विभिन्न स्थानिय हरुमा कोरोनाको बिरामी भेटिएता पनि हाल सम्म मेलुङ गाउपालिकामा कसैलाइ पनि कोरोना देखा परेको छैन ।