दोलखा जिल्लाको वैतेश्वर गाउँपालिकाले चालु आर्थिक वर्षको किबि खेती बिस्तार तथा प्रबर्द्धन कार्यक्रम अन्तर्गत पालिका भित्रका स्थानीय किसानहरुलाई ९० प्रतिशत अनुदानमा किबि फलको बिरुवा वितरण गरेको छ ।
वैतेश्वर गाउँपालिकाको सात वटा वडाहरुमा किबि खेतीयोग्य क्षेत्रको पहिचान गरि वडा नम्बर ६ बाहेकका सवै वडाहरुमा बुधबार किविको विरुवा वितरण गरेको गाउँपालिकाले जनाएको छ ।
पालिकाले वडा नम्बर–१ का ३६ जना किसानलाई १६ सय विरुवा वितरण गरेको छ । त्यस्तै वडा नम्बर–२ का ६ जना किसानलाई दुई सय पाँच, वडा नम्बर–३ का २४ जना किसानलाई तीन सय ७०, वडा नम्बर–४ का २२ जना किसानलाई पाँच सय १३ वटा , वडा नम्बर–५ का ४ जना किसानलाई ९३ वटा, वडा नम्बर–७ का १४ जना किसानको लागि दुई सय दुई वटा र वडा नम्बर–८ का ४३ जना किसानलाई नौ सय ६५ वटा विरुवा वितरण गरेको गाउँपालिकाले जनाएको छ ।
गाउँपालिकाले किसानलाई ९० प्रतिशत अनुदानमा हेवाड, मन्ट्टी, एलिसन जातको किबिको विरुवा वडागत रूपमा वितरण गरेको वैतेश्वर गाउँपालिका कृषि प्राविधिक निरोज पाण्डेले जानकारी दिनुभयो ।
वतेश्वर गाउँपालिकाको विभिन्न वडाहरुमा किविको राम्रो संभावना रहेको छ । किवीको लागि संभावित क्षत्रहरुको पहिचान गरी पालिकाले अनुदानमा किवि वितरण गरेको हो । पालिकाले यस वर्ष पालिकामै उत्पादन गरिएको विरुवालाई प्राथमिकता दिएर चार हजार ४४ वटा विरुवा वितरण गरेको हो
