दोलखाको सदरमुकाम चरीकोटमा आयोजना गरिएको प्रथम बाग्मति प्रदेश क्लब स्तरिय खुल्ला पुरुष फुटबल प्रतियोगितामा एक्टीभ व्वाइज कल्व खरिढुंगा च्याम्पीयन बनेको छ । चरिकोट स्थीत भिमेश्वर रङगशाला खेल मैदानमा आज भएको फाइनल खेलमा लालिगुरास यूवा कल्व चरिकोटलाई पराजित गर्दैं एक्टीव व्वाइज कल्व खरिढुंगा विजयी भएको हो । प्रतियोगितामा लालिगुरास युवा चरिकोटले १ गोल गरेको थियो भने एक्टीभ व्वाईज कल्व ले २ गोल गर्दै प्रतियोगिताको विजयी बनेको थियो । फुटबल प्रतियोगितामा विजयी भए संगै एक्टीभ व्वाईज कल्व खरीढुंगाले नगद दुई लाख पचास हजार सहित सिल्ड मेडल र प्रमाणपत्र हात पारेको छ । फाइनल खेलमा उपविजेता बनेको लालिगुरास युवा कल्व चरिकोटले नगद १ लाख २५ हजार सहित मेडल र प्रमाणपत्र प्रदान प्राप्त गरेको छ ।
प्रतियोगितामा दोलखा, रामेछाप, सिन्धुली, धादिङ, नुवाकोट, ललितपुर, काभ्रेपलाञ्चोक लगाएतका वागमती प्रदेश भित्रका विभिन्न जिल्लाका १२ वटा कल्वहरु फुटबल प्रतियोगितामा सहभागी भएका थिए । दोलखा जिल्ला फुटबल संघले जिल्लामानै पहिलो पटक आयोजना गरेको वागमती प्रदेश कल्व स्तरीय खुल्ला पुरुष फुटबल प्रतियोगिता चरिकोट स्थित भिमेश्वर रङगशालामा कार्तिक २० गते देखी सुरु भएको थियो ।
