दर्पण संवाददाता
चरीकोट
विश्वमा महामरीको रुपमा फैलिएको दोस्रो चरणको कोरोना भाइरस दोलखाको विभिन्न स्थानिय तहमा समेत पछिल्लो समय तिव्र गतिमा फैलि रहेको छ ।
वैतेश्वर गाउँपालिकाको वडा नम्वर ८ क्षत्रपामा कोरोनाको आशंकामा गाउँमा वाहिर बाट आएका एक युवामा कोरोना देखा परे पछि गाउँका स्थायिनहरुमा परिक्षण गर्दा वैशाख २७ गते एउटै गाउँका १४ जनामा कोरोना संक्रमण देखा प¥यो । त्यस लगतै गाउँपालिकाले कन्ट्रयाक टे«सिङमा परेका ४० जनाको स्वाव संकलन गरी परिक्षणको लागि चरिकोट अस्पतालमा पठाएको थियो ।
२७ गते नै स्वाव संकलन गरी पठाएको भएता पनि आज ४ दिन सम्म पनि रिर्पोट नआए पछि स्वाव दिएका स्थायिनहरु आक्रोसित भएका छन् । महामारीको समयमा आम नागरिकको स्वास्थ्य संग जोडिएको विषयमा केहि समयमानै रिर्पोट आउनु पर्नेमा ४ दिन सम्म रिर्पोट नदिएर गाउँ पालिका र चरिकोट अस्पतालले नागरिकको स्वास्थ्य संग खेलवाड गरेको आरोप स्वाव दिएका स्थानियहरुले गुनासो गरेका छन् । स्वास्थ्य कर्मी र वडाका कर्मचारीमा समेत संक्रमण देखिए पछि स्वास्थ्य संस्था र वडा कार्यालय समेत वन्द रहेको छ ।
गाउँपालिकाले स्वाव संकलन गरे लगतै चरिकोट अस्पतालमा पठाएको बताएको छ । यता चरिकोट अस्पतालमा स्वावको वारेमा बुझदा स्वाव ल्यावमा २९ गते मात्र आइ पुगेको र जिल्लाको विभिन्न ठाउँको स्वाव रहेको कारण केहि ढिलाई भएको र तत्काल परिक्षण गरिने कर्मचारीले जनाएको छ । स्वास्थ्य कार्यलय दोलखाले भने वैशाख २८ गते देखिनै बैतेश्वरको ४० जनाको स्वाव अस्पताल आई पुगेको भन्दै पेन्डीङमा राखेर आज सम्म रिर्पोट प्रकासन गर्दै आएको छ ।
स्वाव परिक्षणको लागि सजिलो पार्न चरिकोट अस्पतालमा नै केहि दिन अघि मात्र करिव डेढ करोडको लागतमा प्रयोगशाला संचालनमा ल्याइएको छ । प्रयोगशालामा ३ धण्टामानै रिर्पोट आउने भनिएता पनि ९६ घण्टा सम्म पनि रिर्पोट आउन नसके पछि स्वाव दिएकाहरुले गुनासो गरेका हुन । स्वाव दिएर आफुहरु होम क्वारेन्टाइनमा वसि रहेको र ४ दिन सम्म पनी रिर्पोट नआएको र अव आउँदा वास्तविक रिर्पोट आउनेमा नै आफुहरुलाई शंका लागेको उनिहरुले बताएका छन् । पटक पटक ताकेता गर्दा पनि हुन्छ भन्ने र समयमा काम नगरी आम नागरिको स्वास्थ्य माथि खेलवाड भएको वडा अध्यक्ष रमेश कुमार अधिकारीले बताउनु भयो ।
