नेकपा एमाले दोलखाले आगामी ११ औँ केन्द्रीय महाधिवेशनका लागि नौ जना महाधिवेशन प्रतिनिधि सर्वसम्मत रुपमा चयन गरेको छ ।
प्रतिनिधी चयन हुनुहुनेहरुमा खुल्लातर्फ नेकपा एमालेका जिल्ला कमिटी अध्यक्ष नर बहादुर श्रेष्ठ, पुर्व अध्यक्ष इश्वरचन्द्र पोखरेल, बागमती प्रदेश कमिटी सदस्य भरत बहादुर केसी र केन्द्रीय सल्लाहकार परिषद सदस्य डबल पाण्डे रहेका छन् । महिलातर्फ प्रदेश कमिटी सदस्य उर्मिला थामी, शारदा राणा र शान्तिकुमारी तामाङ चयन भएका छन् ।
दलिततर्फ विशाल विक र ४० बर्षमुनिको युवाबाट लक्ष्मण गुभाजू प्रतिनिधि चयन भएको दोलखा इन्चार्ज पार्वत गुरुङले बताउनु भयो। मंसिर अन्तिम साताबाट काठमाण्डौमा हुन लागेका महाधिवेशन प्रतिनिधि छनौटका लागि मतदानको कार्यतालिका सहित पार्टीले मनोनय दर्ता गराएको थियो । जिल्लामा पार्टी एकताबद्ध बनाउनु पर्ने र सवै स्थानिय तह भुगोल जातजाती समेटनुपर्ने भएको हुँदा लामाृ छलफल र प्रयास पछि सर्वसम्मत प्रतिनिधी छनोट भएको पार्टी अध्यक्ष नर बहादुर श्रेष्ठले बताउनु भयो । प्रतिनिधी छनोट हुनुभएकाहरुलाई वधाई दिनुहुदै पाटी इन्चार्ज पार्वत गुरुङले वागमती प्रदेशमानै सर्वसम्मत प्रतिनिधी छनोट गर्ने पहिलो जिल्ला वनि अन्य जिल्लाहरुलाइ समेत सन्देश दिएको बताउनु भयो ।
