सशस्त्र प्रहरी बल नेपाल १८ नम्वर गुल्म चरिकोट दोलखाले २४ औँ सशस्त्र प्रहरी दिवस विभिन्न कार्यक्रम गरी मनाएको छ ।
२४ औँ सशस्त्र प्रहरी दिवसको अवसरमा सशस्त्र प्रहरी बल नेपाल १८ नम्वर गुल्म मुख्य कार्यालय दोलखाले जिल्ला समन्वय समिती दोलखाका प्रमुख बर्जुुराम घतानीको प्रमुख आतिथ्यतामा विभिन्न कार्यक्रम गरी स्थापना दिवस मनाएको हो । कार्यक्रममा प्रमुख अतिथी अतिथीहरुले विभिन्न क्रममा विरगती प्राप्त सहिदहरु प्रति सम्मान र माल्यार्पण गर्नु भएको थियो । सशस्त्र प्रहरी बल नेपाल १८ नम्वर गुल्म चरिकोटका गल्मपतीले स्थापना दिवसको अवसरमा जारी शुभकामना सन्देश वाचन गर्नु हुुँदै हाल सम्म साथ सहयोग गर्ने सवैलाई धन्यवाद ज्ञापन गर्नु भएको थियो । २४ औँ सशस्त्र प्रहरी दिवसको विगु गाउँपालिका, भिमेश्वर नगरपालिका वडा नम्वर ६ वडा कार्यालय र जिल्ला ट्राफिक प्रहरी कार्यालय दोलखालाई सम्मान गरीएको छ । त्यस्तै शसस्त्र प्रहरीबल चरिकोट गूल्ममा रहि उत्कृष्ट काम गर्ने प्रहरीहरुलाई समेत सम्मान गरिएको छ । कार्यक्रममा प्रमुख जिल्ला अधिकारी शिवराम गेलाल, विगु गाउँपालिकाका अध्यक्ष संजीव वली, जिल्ला समन्वय समिती दोलखाका प्रमुख वर्जुराम घतानी लगाएतले शुभकामना व्यक्त गर्नु भएको थियो ।
