चरीकोट २२ वैशाख, कोरोना भाइसरको संक्रमित विरामीको संख्या दैनिक रुपमा वढदै जान थालेपछि दोलखा जिल्ला आज राती बाट १० दिनको लागि लकडाउने गर्ने निर्णय भएको छ ।
चरीकोटमा आज वसेको कोभिड १९ व्यवस्थापन समितिको वैठकले आज राती १२ बजे वाट लागु हुने गरी १० दिनको लागि लकडाउन गर्ने निर्णय गरेको छ । दोलखा जिल्लामा पनी दैनिक रुपमा कोरोना संक्रमितको संख्या वढदै गई रहेको छ । कोरोना संक्रमित वृद्धी हुँदै गए पछि लकडाउन गर्नका लागि दोलखा उद्योग वाणिज्य संघ र चेम्वर अफ कर्मरस दोलखाले लकडाउनको माग गरेको थियो । हिमाली जिल्लाहरुमा २०० जना सक्रिय कोरोनाको विरामी भएमा मात्र लकडाउन गर्न सकिने नेपाल सरकारको निर्णय भएता पनी जिल्लामा ५० जना पनी सक्रिय विरामी नपुग्दै लकडाउन गरीएको हो ।
