दर्पण संवाददाता
तामाकोशी, असार २९
दोलखाको तामाकोशी गाउँपालिकाले जेष्ठ नागरिकहरुलाई विशेष हेरचाह गर्ने २१ जना जोडी असल छोरा बुहारी तथा छोरीलाई सम्मान गरेको छ ।
गाउँपालिकाले ७० बर्ष नाघेका जेष्ठ नागरिकहरुलाई माया ममतापुर्वक पालन पोषनमा ध्यान दिने २१ जोडी छोरा, बुहारी तथा छोरीलाई शनिवार एक कार्यक्रमको आयोजना गरी सम्मान गरेको छ । आथिक वर्ष ७५÷७६ अन्र्तगत विनियोजित लक्षित वर्ग तर्फको जेष्ठ नागरिक सम्मान तथा असल छोरा, बुहारी र छोरी सम्मान कार्यक्रम अन्र्तगत प्रत्येक वडाबाट तिन तिन जनाका दरले २१ जनालाई नगद पाँच हजार सहित सम्मान गरेको हो ।
सम्मानित हुनेमा वडा नं १ बाट दिलबहादुर माझि र रिता माझि, हिरा बहादुर विक र लक्ष्मी विक, भक्त बहादुर कार्की र मेनुका कार्की वडा नं २ बाट भुपाल कुमार कार्की र लक्ष्मी कार्की, इश्वराज कार्की र शान्ता कार्की, र अनुना तामाङ वडा नं ३ बाट चिनिमाया तामाङ, माधव पोखरेल र विष्णुमाया पोखरेल, दुर्गा महत रहेका छन् । त्यसै गरी वडा न ४ बाट गिता बुढाथोकी, गोविन्द बहादुर खड्का र सिता खड्का र मिरा योगी वडा नं ५ बाट होम प्रसाद चौलागाई र देवि चौलागाई, भिमलाल भट्टराई र भिमकुमारी भट्टराई, इन्द्र प्रसाद अधिकारी र अप्सरा अधिकारी वडा नं ६ बाट टेक बहादुर फुयाँल र दुर्गा फुयाँल कुल प्रसाद फुयाँल र मैया फुयाँल, नवराज आपाँगाई र सर्मिला आपाँगाई वडा न ७ बाट बुद्धिमाया सुनुवार र कमला सुनुवार, खगेन्द्र राज सुनुवार र सावित्रि सुनुवार, आङनिमा शेर्पा र जमुना जिरेल शेर्पालाई सम्मानित गरिएको छ ।
७० बर्ष उमेर नाघेका जेष्ठ नागरिकहरुलाई छोरा बुहारी तथा छोरीले मायाममता पुर्वक पोलन पोषण ध्यान दिएको नदिएको बारेमा पता लगाउन विशेष संयन्त्र प्रयोग गरेको छ । जनप्रतिनिधीहरु जेष्ठ नागरिकको घर घरमा पुग्ने र जेष्ठ नागरिकासंगको छलफल पछि असल छोरा बुहारी छोरीको छनोट गरिने गाँउपालिका अध्यक्ष इश्वर चन्द्र पोखरेलले बताउनु भयो । जेष्ठ नागरिकहरुको पालन पालन पोषणलाई मध्यनजर गरी तामाकोशी गाउँपालिकाले गत बर्षदेखि नीति तथा कार्यक्रममा नै समावेश गरी रकम विनियोजन गरेको थियो ।
विभिन्न घरायसी कामले गर्दा जेष्ठ नागरिकहरुको हेरचाहमा विस्तारै कमि हुँदै गएको देखिएकोले जेष्ठ नागरिकहरुको सम्मानका लागि गाउँपालिकाले असल छोरावुहारी सम्मान कार्यक्रम सुरु गरेको अध्यक्ष पोखरेलले बताउनु भयो ।