दर्पण संवाददाता
सुरि असोज २२
जिल्ला समन्वय समिति दोलखाले आज बाट जिल्लाका स्थानीय तहमा हुने गतिविधिको बारेमा प्रथम चौमासिक कार्यसम्पादन अनुगमन सुरु गरेको छ ।
आज पहिलो दिन जिल्ला समन्वय समिती दोलखाका प्रमुख डबल पाण्डेको टोलिले गौरिशंकर गाउपालिकामा अनुगमन गरेको छ । प्रथम चौमासिक कार्यसम्पादन अनुगमनका क्रममा पालिकाले संचालन गरेको गतिविधिको बारेमा जानकारी गराउनु भएको थियो । पालिकामा दरबन्दी अनुसारको कर्मचारी न भएको र काम गर्न दरबन्दी अनुसारको कर्मचारी नहुदा समस्य भएको प्रमुख प्रशासकिय अधिकृत बालकुमार श्रेष्ठले बताउनु भयो । पालिकामा प्रशासनिक क्षेत्रमा काम गर्ने र विभिन्न वडाहरुमा वडा सचीव हरुको दरबन्दीमा कर्मचारी न भएको उहाले बताउनु भयो । आर्थिक वर्ष २०७७/७८ का लागि पालिकाले ४४ करोड ५२ लाख बजेट अनुसारको बिकासका योजनाहरु तय भएको र १४७ योजना रहेको गाउपालिका प्रमुख सोयम बहादुर खडकाले बताउनु भयो । १४७ योजना मध्ये २३ योजना वडाहरुले संचालन गर्ने ६ वटा बोलपत्र मार्फत गरिने र अन्य पालिका मार्फत उपभोक्त समिती मार्फत गरिने पालिका प्रमुख सोयम खडकाले बताउनु भयो ।
संघ प्रदेश र स्थानिय तहमा योजना सम्पन्न गराउन स्पष्ट नीति र समयमानै बजेट बिनियोजन नगर्दा समस्या हुने गरेको उहाले बताउनु भयो । कृषि, शिक्षा , स्वास्थ , पर्यटनको क्षेत्रमा पालिकामा अत्याधिक संभावना भएको र पालिकाले तेहि क्षेत्रमा बिशेष योजना सहित काम गरि रहेको उहाले बताउनु भयो ।
दोलखाको सबै स्थानीय तहको प्रथम चौमासिक कार्यसम्पादन अनुगमन गरिने क्रममा आज गौरीशंकर गाउपालिकामा गरिएको र सबै पालिकामा गरिन जिसस प्रमुख डबल पाण्डेले बताउनु भयो । अनुगमनका क्रममा पालिकाले संचालन गर्न बिकासका योजना प्रशासनिक गतिविधि तथा समस्या हरुको बारेमा अनुगमन गरिने उहाले बताउनु भयो ।