दर्पण संवाददाता
चरिकोट, साउन २५
नेपाल पत्रकार महासंघ दोलखा शाखाको भवन निर्माणका लागि नेकपाका युवा नेता तथा समाजसेवी लक्ष्माण गुभाजुले १० हजार पाँच रुर्पाैया सहयोग गर्नु भएको छ ।
गुभाजुले आफनो जन्म दिनको अवसरमा शुक्रबार चरिकोटमा नेपाल पत्रकार महासंघका अध्यक्ष जीवन लामालाई नगद हस्ताणतरण गर्नु भएको हो । आफनो जन्म दिनको अवसरमा चरिकोटको लामाचौरमा नेपाल पत्रकार महासंघको निर्माण भई रहेको भवन निर्माणमा सहयोग पुगोस भन्ने उदेश्यले १० हजार पाँच रुपैया सहयोग गरेको गुभाजुले बताउनु भयो ।
पत्रकार महासंघ दोलखले चरिकोट स्थित लामा चउरमा २०० बर्ग मिटर क्षेत्रफलमा सुबिधा सम्पन्न भवनको निर्माण गरि रहेको छ । महासंघको बन्न लागेको भवनमा दोलखाको सम्पुर्ण सुचना , संस्कृत झल्कने बस्तुहरु राखिने र जिल्लाकै सुचना मैत्री भवनको रुपमा बिकास गरिने अध्यक्ष जीवन लामाले बताउनु भयो। भवन निर्माणका लागि अन्य गाउँपालिका तथा नगरपालिकाले समेत सहयोग गर्दै आएको छ ।