दर्पण संवाददाता
१७ भाद्र, चरिकोट, खानेपानी तथा सरसफाई क्षेत्रमा सक्रिय रहेको गैर सरकारी संस्था सामुदायिक विकास मञ्च नेपाल दोलखाको तेहौँ साधारण सभा सम्पन्न भएको छ ।
संस्थाका अध्यक्ष राजु थापाको अध्यक्षता र जिल्ला समन्वय समिति दोलखाका प्रमुख डबल पाण्डेको प्रमुख आतिथ्यतामा कार्यक्रम सम्पन्न गरिएको हो । कार्यक्रमलाई सम्बोधन गर्दै प्रमुख पाण्डेले गैर सरकारी संस्थाहरु सरकारका सहयोगी निकाय भएकाले दोलखाका सबै समाजमा आउनका लागि आफूले आग्रह गरि रहेको बताउनु भयो । गैससका कामहरुलाई अनुगमन र मूल्यांकन गर्ने पनि आफ्नो जिम्मेवारीमा रहेकोले सबै गैससका कामलाई आफूले निकटबाट नियालीरहेको उहाँले बताउनु भयो । जिल्लाका सबै नगरपालिका र गाउँपालिकाका प्रमुखहरुको बैठकले गैससलाई हेर्ने भूमिका समान बनाउन आफूले प्रयत्न गरिरहेको र हरेक ३÷३ महिनामा प्रगति विवरण लिने निर्णय भईसकेको जानकारी प्र्रमुख पाण्डेले दिनुभयो ।
संस्थाको बार्षिक प्रगति विवरण सचिव अर्जुन कार्कीले प्रस्तुतगर्दै दोलखाका अधिकांश गाउँहरुमा सामुदायिक धारा निर्माण, एक घर एकधारा निर्माण, विद्यालयहरुमा खानेपानी तथा सरसफाईका गतिविधिहरु सञ्चालन भैरहेको जानकारी दिनुभयो । संस्थाले यस आर्थिक बर्षमा गरेको आर्थिक कारोवारको बारेमा कोषाध्यक्ष राजन श्रेष्ठले जानकारी गराउनु भएको थियो ।