दोलखा जिल्लाको नमुना विद्यालयको रूपमा परिचित क्षत्रवती माध्यमिक विद्यालयले आफ्नो ५८ औं वार्षिक उत्सव तथा २८ औं अभिभावक दिवस भव्यताका साथ मंगलवार सम्पन्न भएको छ ।
बागमती प्रदेशका पुर्व वन तथा वातावरण मन्त्री बिशाल खड्काको प्रमुख आतिथ्य र विद्यालय व्यवस्थापन समितिका अध्यक्ष राजेन्द्र श्रेष्ठको अध्यक्षतामा कार्यक्रम सम्पन्न भएको थियो ।
कार्यक्रममा विद्यालयका प्रधानाध्यापक ध्रुव कार्कीले वार्षिक प्रतिवेदन प्रस्तुत गर्नुभएको थियो भने सह प्राध्यापक नीर बहादुर बरालले १ करोड ७३ लाख वरावरको आर्थिक प्रतिवेदन पेश गर्नु भएको थियो । अभिभावक दिवसको अवसरमा विधार्थीहरुले विभिन्न सांस्कृतिक प्रस्तुति प्रस्तुत गरेका थिए ।
कार्यक्रममा विद्यालयमा अक्षकोष स्थापना गर्ने व्यक्तहरुलाई सम्मान गरीनुका साथै विभिन्न अक्षकोषद्धारा विधालयका विधार्थीहरुलाई पुरस्कृत गरिएको थियो । विधालयमा ३७ वर्ष सेवा गर्नुभएका पूर्व प्रधानाध्यापक पदम जिरेलले हाल सम्म विद्यालयलाई गर्नु भएको योगदानको विशेष कदर गर्दै सम्मान गरिएको छ ।
कार्यक्रममा सहभागी अतिथीहरुद्धारा जिल्लामै परिचित नमुना विद्यालयलाई अझ प्रभावकारी र गुणस्तरीय वनाउनको लागि सहयोग गर्ने प्रतिवद्धता सहित शुभकामना व्यक्त गर्नु भएको थियो । कार्यक्रममा स्थानीय अभिभावक, विद्यार्थी, शिक्षक, र समाजका विभिन्न क्षेत्रका व्यक्तिहरूको उत्साहजनक उपस्थिति रहेको थियो ।
